Ginpatay sang isa ka anak ang iya kaugalingon nga iloy sa Brgy. Macupa, sa banwa sang Leyte,Leyte Province.
Ang ginapatiham nga rason amo nga wala nagluto sang panyapon ang 77-anyos nga iloy para sa iya gutom nga anak.
Base sa imbestigasyon, nagpauli nga gutom ang 35-anyos nga suspek halin sa trabaho bilang obrero kag nagdiretso sa kusina apang wala sang naabtan nga pagkaon.
Didto na nangakig ang suspek kag nagkuhwa sang bato kag ginlampos sa ulo sang iya iloy.
Madasig nga nalagyo ang suspek.
Naabtan naman sang utod sang suspek ang ila iloy nga wala na sang kabuhi.
Natigayon naman nga madakpan ang suspek sa follow-up operation sang otoridad.
