NAGA CITY- Nagtaliwan na sa edad nga 83 anyos ang iloy ni Vice President Leni Robredo nga si Salvacion Gerona.
Suno kay Robredo, magasugod ang haya sang bangkay sang iya iloy alas 4:00 sa hapon sa Eternal Gardens, Balatas Road sa Naga City.
Ginpahayag ni Robredo nga nagapasalamat siya sa tanan nga nagbuylog sa kalisod sang ila pamilya.
Nagpalab-ot man sang pagpakig-unong kay Robredo si Senator Panfilo ‘Ping’ Lacson.
Wala naman ginbuyagyag ni Robredo sa publiko kun ano ang balatian sang iya iloy.
Nahibaluan nga ang iloy sang Bise Presidente ang nagsugod sa pagtudlo sang siya ang naga edad pa lang sang 18 kag nagpadayon tubtub sa edad nga 81.
