ILOILO CITY – Patay ang isa ka ginang matapos maisulan sang bulldozer sa Calajunan Dumpsite sa brgy. Calajunan Mandurriao Iloilo City.
Ang biktima ang ginkilala nga si Adelaida Macaya san amo man nga barangay.
Sa impormasyon nga nakuha sang Bombo Radyo sa checker nga si erwin Sevilla sang kontraktor nga JS Layson, ginpahayag sini nga pagkatapos makaula sang bag-o nga batch sang basura ang isa nila ka truck nga gilayon naman nga gintulod sang bulldozer, gulpi lang nagsulod ang ginang sa likod nga bahin sang bulldozer.
Wala na matalupangdan pa sang operator sang bulldozer nga si Daniel Laruan sang Lambunao Iloilo ang ginang kag sa pag-isol sini, nalab-ot gid ang biktima.
Gilayon nga gindala sa Western Visayas Medical Center ang biktima apang gindeklarar nga dead on arrival.
Nagpangako naman sang bulig ang kontraktor nga JS Layson sa pamilya sang biktima.