Photo from Jacob Food Diaries/IG
AUSTRALIA – May yara sang nagkalain-lain nga pamaagi ang mga iloy agud nga mangin ganado ang ila mga anak sa pagkaon.
Isa sa mga problema nga ginapangatubang sang mga ginikanan ang pagkapisli-an sang mga bata sa pagkaon ilabi na kun mga utan kag prutas ang pagahambalan.
Apang wala nangin mabudlay para sa isa ka Australian blogger, food artist kag iloy nga si Laleh Mohmedi ang pagpakaon sa iya nga tatlo ka tuig nga anak.
Ini bangud sa tanan nga pagkaon nga ginaserbe ni Laleh nangin ganado ang iya anak sa pagkaon.
Nadesisyonan ni Laleh nga maghimo sang nagkalain-lain nga cartoon characters gamit ang pagkaon agud nga maganahan ang iya nga anak.
Nakaangkon naman sang pagdayaw ang nangin lihok sang nasambit nga iloy.
