LEON, ILOILO – Naghilibion ang iloy sang isa sa duha ka mga napatay matapos natumba ang jeep sa Barangay Cagay, Leon, Iloilo.
Ang mga napatay amo sanday Arvin Cabana, 14, kag ang hinablos naman sini amo si Princess Cabana, 6 ka tuig.
Sa interview sang Bombo Radyo kay Pacencia Cabana, iloy ni Arvin, iya ginpahayag nga grade 8 ang iya anak kag agot sa mag-utod.
Suno kay Cabana, nagamato-mato na lang nga nagasakay ang iya anak sa jeep.
Ginpahayag nga napuhag ang mga residente sa ila lugar matapos natumba ang jeep.
Sang ginpadulungan sini ang iya anak sa ospital, wala na ini sang kabuhi kag duguon na.
