ILOILO CITY – Nagtulo ang luha sang isa ka iloy bangud sa kalipay matapos nga nahatagan sang wheelchair ang iya anak nga may Cerebral Palsy paagi sa Bombo Medico 2019.
Sa interview sang Bombo Radyo kay Jenelyn Gamarcha sang Nueva Valencia, Guimaras, iya ginpahayag nga ang wheelchair nga ginhatag paagi sa Bombo Medico ang advance birthday gift para sa iya manug 8 ka tuig nga anak nga may yara sang Cerebral Palsy.
Suno kay Gamarcha, makaguwa na sa ila balay kag makalagaw ang iya anak nga si Jilian bangud nga may yara na siya sang magamit nga wheelchair.
Ginpahayag sang natungdan nga si Jilian ang agot sa lima niya ka kabataan.
