Ginkwestyon sang iloy sang duha ka rape slay victims ang justice system sang pungsod sa kakulba nga mahimo makaguwa ang mga convicted sa pagpatay kag pag rape sa iya duha ka mga kabataan bangud sa basehan sang good conduct time allowance
Ang mga biktima amo sanday Marijoy kag Jacqueline Chiong.
Suno kay Thelma Chiong, indi niya mabaton sa tion nga paguwaon ang mga akusado.
Ini ang reaksyon sang iloy matapos nga makabaton siya sang impormasyon nga may yara na sang memorandum of release sa tatlo sa anom ka mga convicted sa abduction, rape kag pagpatay sa mag utod nga Chiong sa Cebu sang 1997.
Dugang pa sang natungdan, indi niya mabaton nga makaguwa ang mga tawo nga nagpatay kag nag rape sa duha niya ka mga anak.
Ang mga convicted sa likod sang rape slay sang mag-utod ang ginsentensyahan sang reclusion perpetua sang 1999.
