Nagpanindugan ang iloy sang isa sa ginatudlo suspek sa pagpatay sa 18-anyos nga lalaki sa Brgy. Taal, Molo, Iloilo City nga ipakigbato ang iya anak kasunod sang ginapahayag pagpangkastigo sang kapulisan.
Ang biktima sa insidente amo si John Chris Mark Gapol, residente sang Barangay Calumpang, Molo, Iloilo City.
Ang isa sa mga suspek nga ginapahayag nga ginkastigo amo si si Ryan Kent ‘RK’ Magbanua, residente sang Barangay Calumpang, Molo, Iloilo City.
Sa interview sang Bombo Radyo kay Elizabeth Magbanua, iloy sang ginaalegar ginkastigo nga suspek, iya ginpahayag nga nagpadulong na sila sa National Police Commission (NAPOLCOM) kag kompletohon na lang ang dokumento agud nga makahimo sang legal nga mga tikang batok sa kapulisan.
Suno kay Magbanua, wala sang rason agud kastiguhon ang iya anak apisar pa nga may ginhimo ini nga krimen.
Liwat man nga ginpanindugan sang iloy nga indi kilala sang iya anak si Gapol kag si Angelo Bayot lamang ang iya naka-transakyon bangud kilala niya ini.
Nagapati naman ang natungdan nga ginkastigo ang iya anak agud nga mag-ako nga siya ang sa likod sang krimen.
