ILOILO CITY – Ginapabugal gid sang iloy nga si Araceli ang ginhimo sang iya bata nga si Sgt. John Mark Duero ilabi na sa pagkapatay sa sub-leader sang Abu Sayyaf nga si Muammar Askali alyas Abu Rami.
Apisar sini, may gamay ini nga pagbasol sa napatay nga suldado.
Suno kay Mrs. Araceli, kuntani ginpaminsar anay ni Sgt. Duero ang iya pamilya kag kabataan ilabi pa nga magagmay pa ang mga anak sini, antes gin-una ang iya katungdanan.
Suno sa iloy, ini ang isa sa mga prinsipyo sang iya bata sa diin tuman gid Sini ka palangga ang iya trabaho.
Ginpahayag pa sang iloy nga indi dapat mapatay ang iya bata kun sundon tungod nagdul-ong lamang sila sang artillery supply sa una nga grupo nga naka-engkwentro sang bandido nga grupo apang ginpili ni Sgt. Duero nga mag-atubang sa Abu Sayyaf tungod man sa iya pagtamod sa iya ginsumpaan nga katungdanan.