MIAG-AO, ILOILO – Gintinguhaan pa sang iloy sang napatay nga myembro sang New Peoples Army sa engnkwentro sa tunga sang Philippine Army kag rebelde nga grupo sa Brgy. Ongyod, Miag-ao Iloilo nga istoryahon ang iya anak nga maghalin na sa nasambit nga grupo.
Ang lalaki amo si Vincent Yovero alyas Denden, 20 anyos, sang Brgy Toog Miag-ao.
Sa interview sang Bombo Radyo kay Lt Col Joel Benedict Batara, Commanding Officer sang 61st Infantry Hunter Battalion, iya ginpahayag nga makapila ka beses nga naghingyo ang iloy kay Denden nga magpanaog na sa bukid apang wala gid ini gintuman sang iya anak.
Suno kay Batara, 17 anyos pa lamang si Denden sang gin-recruit siya sang rebelde nga grupo kag myembro ini sang Suyak Platoon, Southern Front sang Komiteng Rehiyon Panay nga gina pamunu-an ni Joven Ceralvo Alyas Lex ukon si Ka Lex.
Dugang pa sang natungdan, kun kaisa si Ceralvo mismo ang nagapadulong sa ila kag kun kaisa, may yara lang sang iban nga tawo nga naga recruit sa ila.
