Padayon pa ang maid-id nga imbestigasyon sang mga otoridad sa natabo nga pagtibusok sang isa ka rescue aircraft sang Philippine Air Force sa Barangay Upper Manggas, Lantawan, Basilan nga ginkapatay sang apat ka mga tawo.
Sa interview sang Bombo Radyo kay Lt. Gen. Corleto Vinluan, commander sang Western Mindanao Command, iya ginpahayag nga naghalin sa Zamboanga City ang Sikorsky Rotary Wing Rescue Aircraft kag padulong kuntani sa Sulu agud nga i-transport ang pila ka mga biktima sa natabo nga twin bombing sa Jolo, Sulu.
Sang makalab-ot sa area sang Basilan ang chopper , gilayon na lamang ini nagtibusok.
Santu sa report, malain ang tyempo sa lugar sang natabo ang aksidente.
Suno kay Vinluan, ginapangunahan na sang PNP-Scene of the Crime Operation ang imbestigasyon sa trahedya.
Samtang pahayag naman ni Philippine Air Force Spokesperson Lt. Col. Aristedes Galang, ila na nga gin-abisuhan ang mga himata sang apat ka mga Air Force personnel nga napatay sa helicopter crash.
Indi pa mapat-od ni Galang kun ano ang rason sang pagtibusok sang chopper.
