Iloilo – Nagapadayon pa subong ang imbestigasyon sang Bureau of Fire Protection sa gintunaan kag balor sang sunog nga nagluntad sa Barangay Tabucan, Dumangas, Iloilo.
Sa nasambit nga sunog, duha ang totally burned kag duha man ang partially burned nga mga pamalay.
Ang sunog ang ginapahayag nag-umpisa sa balay ni Lorna Magtanong.
Sa interview sang Bombo Radyo kay Magtanong, iya ginpahayag nga mailis kuntani siya sang bed sheet sang natalupangdan sini nga may nagadaba-daba na nga kalayo sa ibabaw sang iya atop.
Suno kay Detablan, madasig nga naglaton ang kalayo sa mga kaiping sini nga panimalay.
Wala naman ini sang ideya kun paano nga nasunog ang iya balay.
Lakip naman sa totally burned nga mga balay ang ginapanag-iyahan nanday Mary Chris Brendia kag Lorna Magtanong.
Partially burned naman ang mga balay nanday Helen Detablan Callo-Callo kag Mary Aurea Octaviano.
