ILOILO – Ginatugyan na sang Western Visayas Medical Center Subnational Laboratory (WVMC-SNL) sa cybercrime division sang National Bureau of Investigation (NBI) ang imbestigasyon may kaangtanan sa nagalapta nga peke nga RT-PCR test results.
Ang nasambit nga test results ang may logo sang WVMC kag Department of Health (DOH) kag pirmado nanday certain nanday Arraine Sibal, Abigail Joy Pastolero, Andres Miranda, kag Pierre G. Layson nga una na gin-athag sang talapatan nga indi mga empleyado sang DOH kag sang ospital.
Ang amo nga fake result ang kulang sa security features kaangay sang bar code.Sa interview sang Bombo Radyo kay Dr. Stephanie Abello, chief pathologist sang WVMC-SNL, iya ginpahayag ginafollow-up pa subong kun ano ang akto sang NBI.
Una na ginpahayag sang talatapan nga posible negosyo ang isa sa mga rason kun ngaa may nakagguwa nga peke nga RT-PCR test result sa rehiyon.
