ILOILO CITY – Ginsuguran na sang Sangguniang Panlalawigan ang imbestigasyon sa palpak nga housing project para sa mga biktima sang bagyo Yolanda sa Concepcion Iloilo.
Sa interview sang Bombo Radyo kay Board Member Rene Valencia, chairman sang Committee on Good Government, ginpahayag sini nga lakip sa mga nagtambong sa hearing amo ang contractor, Sangguniang Bayan members sa nasambit nga banwa kag mga tiglawas sang National Housing Authority (NHA).
Natukiban suno kay Valencia nga wala matuman sang contractor ang mga kinahanglanon para sa nasambit nga proyekto.
Plano naman sang Sangguniang Panlalawigan nga magpatigayon sang occular inspection sa nasambit nga lugar.