GENERAL SANTOS CITY— Ginalauman na sa subong sang Bombo Radyo General Santos nga mapagwa na ang resulta sang imbestigasyon sang Philippine National Police (PNP) kag Scene of the Crime Operations (SOCO), may kaangtanan sa natabo nga pagpaarak sang luthang sa istasyon kagab-i
Suno kay Bombo Jonathan ‘Janjan’ Macailing, Station manager sang Bombo Radyo Gensan, kun basehan ang trajectory sang pagsulod sang bala sa recording room sang istasyon,nag-agi ini sa cyclone wire nga nagatabon sa main gate, sa diin naglapos ini sa main door nga human sa crystal kag naglapos man sa bintana sang recording room nga sadto nga tion maswerte nga wala sang personnel sa sulod.
Suno kay Bombo Janjan isa lang ka slug ukon balinis sang .9mm caliber pistol ang nakita sa sulod sang recording room.
Pahayag pa niya nga mahimo pinataka lang nga pagpangluthangang ginhimo sang mga suspek basta makapasulod lang sang bala sa estasyon ukon mahimo man una gintarget ang mga gwardya nga nagaduty malapit sa gate.
Nakahibalo naman suno kay Bombo Janjan ang mga gwardya nga under threat ang istasyon rason nga kun may magdulog nga salakyan ginapalapitan ang mga ini kagginapamangkot ang ila tinutuyo.
Wala man suno sa iya sang may naobserbaran nga salakyan ukon persona nga nagapabalik-balik sa estasyon antes nagluntad ang insidente.
Duha lang ka mga persona ang nasiplatan sang mga gwardya nga nakasakay sa pick up.
Ulihi naman nga gintalakay sang Bombo Radyo Gensan amo ang isyu sa petisyon sang miyembro sang Kapa nga Rima International Incorporated lakip na ang pagserbe sang Securities and Enxhange Commission (SEC) sang cease and desist order sa ia man ka investment scam sa Gensan.
May yara naman sang Close Circuit Television (CCTV) ang istasyon sa diin may nakuha man ini nga footages sang insidente.
Wala naman sang may nakuha nga bala sa atubang mismo sang istasyon sa diin una nabatian ang lupok apang paglampas sa istasyon sa diin nagdulog ang pick-up didto nakita ang mga empty shells sang .45 caliber kag .9mm caliber pistol.
Nahibaluan nga nagapalayag gid ang programa Zona Libre sa diin ang anchor amo si Bombo Jojo Bacalanmo sang nagluntad ang pagpangluthang.
Mabatian naman ang asud asud nga lupok sa diin nag sulod ini on air kag nagsinggit pa ang ila nila ka babaye nga personnel.
Yari pamatian ang kabahin sang pag programa ni Bombo Jojo kadungan sang pagpangluthang sa ila istasyon.
