ILOILO CITY – Wala pa naumpisahan sang National Bureau of Investigation ang imbestigsyon tuhoy sa ginapahayag 180 ka peke nga kasal nga ginrehistro sa Local Civil Registrar.
Sa interview sang Bombo Radyo kay Atty. Mario Tolenete, Regional Director sang National Bureau of Investigation – South Eastern Mindanao Regional Office, iya ginpahayag nga ginahulat pa nila ang go signal halin sa Headquarters.
Suno kay Tolenete, mahimo nga sa masunod nga semana, may yara na sang development sa ginpasaka nga reklamo sang City Legal Office.
Nahibalu-an nga nauna na nga ginpahayag ni Iloilo City Mayor Jerry Treñas nga iya ipausisa ang 180 ka mga peke nga kasal.
Ginpanindugan ni City Legal Officer Atty. Edgar Gil nga may yara sang isa ka inmate nga naghatag sang affidavit nga makapamatuod nga peke ang 180 ka mga kasal nga nakarehistro sa Local Civil Registrar.
Ginpanginwala naman ni Mr. Juncae Manikan, ang Local Civil Registrar, nga may yara siya sang ihibalo sa mga peke ng kasal nga ginrehistro apang iya man nga ginapakamaayo nga may yara sang patigayunon nga imbestigasyon.
