Pormal na nga naghingyo si Senator Imee Marcos sa Office of the Ombudsman nga imbestigaran ang mataas nga mga opisyal sang gobyerno nga involved sa pagdakop kay former President Rodrigo Duterte sang Marso 11.
Ang presidential sister mismo ang nagpasa sang chairman’s report sang Senate Committee on Foreign Relations sa Ombudsman kahapon, Mayo 2, matapos ang pila ka serye sang hearings sa upper chamber.
Sa amo nga report, gina-rekomendar ang pagpasaka sang kaso-kriminal kag kaso-administratibo batok kanday Justice Secretary Jesus Crispin Remulla, PNP Criminal Investigation and Detection Group Chief Maj. Gen. Nicolas Torre III, Interior Secretary Jonvic Remulla, Philippine National Police Chief Gen. Rommel Marbil, kag Special Envoy for Transnational Crime Markus Lacanilao.
Kun patpaton ang charges nga gin-rekomendar sang senadora:
- Justice Secretary Remulla: Usurpation of Judicial Functions (Article 241 of the Revised Penal Code), violation sang Anti-Graft and Corrupt Practices Act
- Maj. Gen. Torre: Arbitrary Detention (Article 124 of the Revised Penal Code), violation sang Anti-Graft and Corrupt Practices Act, Grave Threats sa idalom sang Article 282 of the Revised Penal Code, violation sang Republic Act No. 7438.
- Gen. Marbil: Arbitrary Detention (Article 124 of the Revised Penal Code), violation sang Anti-Graft and Corrupt Practices Act
- Interior Secretary Remulla: Arbitrary Detention (Article 124 of the Revised Penal Code), violation sang Anti-Graft and Corrupt Practices Act
- Lacanilao: Usurpation of Official Functions (Article 177 of the Revised Penal Code), False Testimony in Other Cases and Perjury in Solemn Affirmation
Gin-rekomendar man ang administrative charges nga Grave Misconduct and Conduct Prejudicial to the Interest of the Service batok sa lima ka mga opisyal.
Matandaan nga una na nga ginbali sang government officials ang alegasyon sang kampo sang mga Duterte nga kidnapping ang pag-aresto sa former president.
Ginbasehan sang awtoridad ang arrest order nga gindagdag sang International Criminal Court sa The Hague. Ini nga korte ang nagpangayo sang bulig halin sa Interpol agud nga maserbe ang amo nga warrant sang nag-abot si Duterte sa NAIA halin sa Hong Kong.
