in-ulan sang malain nga mga komento si former Miss Earth Philippines Imelda Schweighart bangud sa iya pahayag nga wala siya nanamian sa K-Pop.
Matandaan nga sa iya sunod-sunod nga Facebook post, ginpahayag sang beauty queen turned singer nga nagakadula ang identity sang mga Pinoy bangud ginatinguhaan nila nga ilugon ang mga Koreans.
Suno pa kay Imelda, mas maayo man mag-english ang mga Pinoy ipaanggid sa Koreans kag daw kaangay nga ginasakop na sang Korea ang Pilipinas bangud sa pag-patronize sang mga Pinoy sa K-Pop.
Bangud sini, nangin trending si Imelda. Wala naman ginpalampas sang mga netizens ang iya komento.
May yara pa sang nagpangita sang Instagram story ni Imelda kun sa diin una na niya ginpakita ang iya ginakaon nga mga Korean food kag may caption pa ang post nga: “I love Korean food so much.”
Deactivated naman subong ang Facebook account sang nasambit nga Filipino-Austrian beauty queen.
