Ginalantaw ni House Deputy Speaker kag Iloilo 1st District Rep. Janette Garin nga dako nga pagpanghangkat para kay Senate President Alan Peter Cayetano ang isyu sang impartiality sa impeachment trial batok kay Vice President Sara Duterte.
Sa interview sang Bombo Radyo kay Garin nga nagaserbe man nga prosecution panel spokesperson, iya ginpahayag nga may mga hitabo nga nagdulot sang pagduda sang publiko kun mangin impartial si Cayetano sa pag-uyat sang impeachment proceedings.
Suno kay Garin, kalakip diri ang nangin isyu kaangot kay Senator Ronald dela Rosa.
Matandaan nga gin-ulan sang pagpakamalaot ang mga senador nga myembro sang majority bloc matapos ginpunggan ang pagpatuman sang ICC arrest warrant batok kay Dela Rosa kag ginbuligan pa ini nga makapalagyo gikan sa pagkaaresto.
Ginhatagan naman ni Garin sang “benefit of the doubt” si Cayetano kaangot sa nasambit nga isyu.
