Ginapahayag ni Rep. Lorenz “Noy” Defensor sang 3rd District sang Iloilo ang iya suporta nga padayunon ang impeachment kay VP Sara Duterte bilang pagtuman sa mandato sang Konstitusyon.
Sa interview sang Bombo Radyo, ginpunto ni Defensor nga dapat paduyonon kag matabo ini sa 20th Congress kag ginapaabot nga padayunon ang trial bangud amo ini ang sugo sang Konstitusyon.
Suno sa iya dapat nga husgahan sang husto kag batunon sang mga Pilipino, kag sundon ang proseso sang impeachment bilang proteksyon sa pungsod.
Dugang pa niya nga kun malain nga tawo ang isa ka leader, dapat may trial, aquit man ukon convict, basta masunod ang layi kag konstitusyon.
Ginpahayag man ni Defensor nga indi siya kumbinsido sa desisyon sang Senado nga i-remand ukon ibalik sa Kongreso ang kaso.
Suno sa iya, indi pwede nga i-dismiss ukon i-remand ang impeachment bangud dapat ini nga padayunon.
