ILOILO CITY – Posible nga sa Committee on Rules pa lang sa Kamara, mabasura na ang impeachment complaint nga ginpasaka ni Magadalo Rep. Gary Alejano batok kay Presidente Rodrigo Duterte.
Sa interview sang Bombo Radyo Iloilo, ginpahayag ni House Deputy Speaker kag Capiz 2nd District Congressman Fredinil Castro, magaagi anay sa Committee onRules ang reklamo.
Sa ti-on nga may makita nga diperensiya ang Committee on Rules, indi na makasaka sa Committtee on Justice ang reklamo.
Busision suno kay Castro sang Committee on Rules kun may diperensiya sa pag-file sang reklamo ilabi na nga ini ang ginpasaka samtang naka-recess ang sesyon sang Kongreso.
Apang sa karon suno sa kongresista, matulog anay sa Kamara ang impeachment complaint bangud nga sa Mayo 2 pa mabalik ang sesyon.