Ginpabakod pa sang House Committee on Justice sa boto nga 39 nga nagpabor, apat ang nagpamatok, kag zero ang nag-abstain, nga ibasura ang impeachment complaint batok kay Presidente Ferdinand Marcos Jr.
Nagakahulugan ini nga kadam-an sang myembro sang komitiba ang nagsuporta sa pagbasura sang reklamo.
Suno sa komitiba, kulang sa substance ang mga alegasyon sa impeachment complaints.
Apisar pa nga gin-acknowledge nila nga insakto ang reklamo, ila napamaud-an nga wala sang nagakaigo ang ebidensya kag basehan agud magpadayon sa impeachment proceedings.
Nahibaluan nga may duha ka impeachment complaints nga ginpasaka batok sa Presidente, lakip ang ginfile sang isa ka pribado nga abogado kag sang mga miyembro sang Makabayan bloc.
Samtang, liwat nga ginpasakaan sang impeachment complaint si Vice President Sara Duterte.
Ini na ang ikatatlo nga reklamo batok sa iya matapos mag-file ang pila ka mga religious groups kag mga abogado bangud sa gina-alegar nga betrayal of public trust, graft and corruption kag iban pa.
May kaangtanan man ini sa ginapatihan nga paggamit sang indi magnubo nga P612 milyon nga confidential funds.
Suno kay Atty. Amando Virgil Ligutan, abogado sang mga nagreklamo, iya ginpahayag nga ila ginabase ang ikatatlo nga impeachment complaint sa mga natukiban sang House committee on good government and public accountability nahanungod sa paggamit sang confidential funds sang Office of the Vice President (OVP) kag sang Department of Education sa idalom ni Duterte.
