Ginpasakaan sang impeachment complaint ni Atty. Andre de Jesus kag Pusong Pinoy Party List Representative Jernie Jett Nisay si President Ferdinand Marcos Jr sa House of the Representative subong nga adlaw.
Ginbasehan ni De Jesus ang reklamo nga graft and corruption, culpable violation of the Constitution kag betrayal of public trust.
Ini ang una nga impeachment complaint nga gindagdag batok kay Marcos.
Suno sa Presidential Communications Office (PCO) ginakilala sang Malacañang ang reklamo kabahin sang demokratiko nga proseso sang Konstitusyon.
Gin-akusahan man ni De Jesus si Marcos bangud sa failure sini nga i-veto ang unprogrammed appropriations.
Suno sa iya nga dapat ma-impeach ang Presidente bangud sa pagpirma sini sang national budget nga nagapahanugot sa pagsaylo sang sobra nga pondo sang PhilHealth sa National Treasury.
Suno kay De Jesus, ang impeachment naga-exist para sa mga sitwasyon nga gina-abusar sang Presidente ang iya poder, ginalapas sini ang Konstitusyon, kag ginapabay-an ang pagsalig sang publiko.
Apang nagpahayag naman si House good government and public accountability panel chair Joel Chua nga wala sang mapag-on nga basehan agud nga i-impeach si President Ferdinand Marcos Jr.
Suno sa iya nga dapat may ara gid sang klaro, specific kag well-substantiated allegations agud magpasaka sang isa ka impeachment.
