Ginplastar ni Senator Imee Marcos nga mahimo pa ma-revive ang impeachment complaint batok kay Vice President Sara Duterte pananglitan paboran sang Supreme Court ang motion for reconsideration sang Kamara kag balisdakon ang ila nauna nga ruling.
Pahayag ini sang senadora isa ka adlaw matapos nagboto ang upper chamber, 19-4-1, agud nga isaylo ang articles of impeachment batok kay Duterte sa archive.
“It’s dead but it’s not really buried. In effect, because it is in the archive…pwede namang hugutin pa uli kung magbago ang Korte Suprema suno sa presidential sister. Dugang sini, “Sumusunod lang kami sa batas at sa Korte Suprema.”
Ang nagboto pabor sa pag-archive sang impeachment case amo sanday Senators Alan Peter Cayetano, Pia Cayetano, Ronald “Bato” Dela Rosa, JV Ejercito, Senate President Francis “Chiz” Escudero, Jinggoy Estrada, Sherwin Gatchalian, Bong Go, Lito Lapid, Loren Legarda, Rodante Marcoleta, Erwin Tulfo, Raffy Tulfo, Imee Marcos, and Robin Padilla, Senate Majority Leader Joel Villanueva, Camille Villar, and Mark Villar, kag Miguel Zubiri.
Nagpamalabag naman sanday Senators Bam Aquino, Risa Hontiveros, Francis “Kiko” Pangilinan, kag Senate minority leader Vicente “Tito” Sotto III samtang nag-abstain si Senator Ping Lacson.
Matandaan nga una na nagsiling ang Korte Suprema nga “unconstitutional” ang articles of impeachment, apang nag-file ang lower chamber kag duha pa ka grupo sang motion for reconsideration.#
