Ginpabasura ni Sen. Rodante Marcoleta, pinaagi sa isa ka mosyon ang impeachment case batok kay Vice Pres. Sara Duterte.
Sa iya privilege speech sa plenaryo sang Senado, ginpahayag sini nga nagpagguwa sang statement ang Korte Supreman nga unconstitutional ang articles of impeachment batok kay VP Sara.
Suno pa sa Senador, wala man sang palakadtuan kun hulaton pa ang motion for reconsideration nga gin-file sang Kamara sa articles of impeachment batok sa Bise bangud “immediately executory” ang desisyon sang Korte Suprema.
Pahayag pa niya, bangud unanimous ang desisyon sang mga mahistrado nga unconstitutional ang impeachment case batok sa Bise, possible na nga may isa ka mahistrado ang magbawi sang iya desisyon.
Dugang pa niya, kun ginsiling sang Korte Suprema nga “void ab initio” kag “unconstitutional,” pati pwertahan kag bintana, ang ginsarado na para sa bisan ano nga apela.
Samtang, ginpamatukan naman ni Senate Minority Leader Tito Sotto ang mosyon ni Marcoleta bangud may yara pa sang motion for reconsideration ang Kamara.
Suno pa sa iya, apisar immediately executory ang desisyon sang SC, indi pa ini sagihapon ang final.
