Posible nga isaylo sa hapon ang hearing sa impeachment trial ni Vice President Sara Duterte.
Suno sa prosecution spokesperson nga si Atty. Benjamin Tolosa Jr, ini agud mas madamo nga mga Pilipino ang makasubaybay sang live.
Sa ginaduso nga schedule, patigayunon ang regular session sang senado alas 10 sa aga tubtob alas 2 sa hapon, samtang maga-umpisa naman ang impeachment trial sang 2:30 sa hapon tubtob alas 7:30 sa gab-i.
Suno kay Tolosa, pwede sini nga mapadasig ang hearing bangud indi utod-utod ang testimoniya sang mga testigo.
Pwede man palawigon ang oras sang hearing kun kinahanglan.
Na-delay ang pila ka mga hearing sang nagligad nga semana bangud sa malain nga tyempo kag pagbaha sa Metro Manila, samtang, ginalauman naman nga indi makaapekto sa schedule ang mga hearing sa ginaproponer nga 2027 national budget.
Tinutuyo man sini suno sa prosecution nga matapos ang impeachment trial antes matapos ang tuig.
