Hulaton pa ang 90 ka adlaw antes ma implementar ang ginpirmahan ni Presidente Rodrigo Duterte nga Executive Order No. 104 ukon “Improving Access to Healthcare Through the Regulation of Prices in the Retail of Drugs and Medicines”.
Sa interview sang Bombo Radyo kay Department of Health Sec. Francisco Duque III, iya ginpahayag nga ang 133 ka mga bulong nga nalakip sa Executive Order 104 ang lunsay mga branded.
Suno kay Duque, ang mga bulong ang para sa hypertension, diabetes, cardiovascular disease, chronic lung diseases, neonatal diseases and major cancers, high cost treatments for chronic renal disease, psoriasis, kag rheumatoid arthritis.
Nahibaluan nga ang nasambit nga executive order nga ginpirmahan sang Presidente ang magabulig sa mga pumuluyo agud nga mabakal ang bulong sa manubo nga presyo.
Sa pihak nga bahin, liwat naman nga nagpanugyan si Duque sa publiko nga himuon habbit ang paghugas sang kamot agud malikawan ang coronavirus disease-19 ukon COVID-19.
Pahayag niya, magluwas sa paghugas sang kamot, kinahanglan man nakahibalo ang publiko sang cough etiquette sa diin tabunan sang panyo ang bibig kun mag ubo apang kun wala sang panyo, mahimo man nga itabon ang siko amo man sa pagpangatsi.
Sa subong may yara sang 137 ka persons under investigation, 387 ang discharged, tatlo ang kumpirmado nga kaso lakip na ang 1 nga napatay.
