Ginbali sang suod nga abyan ni Kris Aquino nga si Dindo Balares ang pila sa nagalapta nga impormasyon nga napatay na ang 53-anyos nga Queen of All Media.
Ginpaguwa ni Balares ang statement matapos may mga nagpamangkot sa iya kun ano na ang kondisyon sang former host-actress.
Pahayag sini, dapat nga doble-halong sa mga fake news kag misinformation kag indi basta-basta magpati kun indi halin sa pamilya ukon reliable sources ang impormasyon.
“Para po sa followers ni Krissy, dobleng ingat na lang po sa fake news at misinformation. Huwag maniniwala hangga’t hindi galing sa kanyang pamilya o reliable sources,” suno sa former writer.
Gin-updan pa ini ni Dindo sang recent picture ni Kris kaupod ang iya duha ka mga bata nga sanday Josh kag Bimby.
Pahayag sini, masami nga natuyo si Kris subong apang ginalantaw nga senyales ini sang pag-recover sang iya lawas. Padayon man ang pag-monitor sa iya nga blood pressure kag heartbeat.
“Patuloy ang gamutan at pagpapalakas niya. Katunayan, food ang madalas na topic namin ngayon,” dugang sini. “Sa last chat namin, nagtatanong siya kung may harvest pa ng Japanese sweet potato at kung anu-ano pa ang iba kong tanim.”
Septyembre sang nagbalik si Kris sa Pilipinas matapos ang masobra duha ka tuig nga medical treatment sa Estados Unidos sang Amerika bangud sa iya ginasuprer nga anum ka autoimmune diseases.
