ILOILO CITY – Ginabantayan ang importante nga announcement ni Iloilo City Mayor Jed Patrick Mabilog subong nga adlaw.
Sa interview sang Bombo Radyo Iloilo, ginpahayag ni Atty. Mark Piad, spokesman kag legal counsel ni Mabilog, ginabilin nila sa alkalde ang pag-anunsyo sa mangin desisyon sini.
Nahibaluan nga tubtob subong wala gihapon makabalik sa pungsod si Mayor Mabilog gikan sa pagtambong sa international forum sa Japan kag Malaysia bangud sa ginapahayag pamahog sa kabuhi sini.
Ginpahayag ni Atty. Piad nga duha ang ginapilian nga option ni Mayor Mabilog: ang mag-file sang leave of absence ukon magbalik sa siyudad.
Gin-athag naman ni Piad nga wala sa plano sang alkalde ang mag-resign.