Nagpasalig ang mga importer sang bugas nga buhinan ang pag-import sa bulan sang Marso kag Abril agud mabuligan ang mga lokal nga mangunguma.
Suno kay Agriculture Secretary Francisco Tiu Laurel Jr., ang pag-import sang bugas naglab-ot sa average nga indi magkulang sa 400,000 metric tons sa kada bulan.
Nagpabutyag naman suno sa iya ang mga importer nga ila pagalimitahan ini sang 150,000 metric tons lamang para sa tyempo sang harvest.
Ang pagdumili sang pag-import sang bugas ang ginkakas na sang Enero kag suno pa sa tiglikom nga dapat mangin normal na ang sitwasyon sa tunga-tunga sang bulan sang Marso.
Suno pa sa iya nga maganubo ang presyo sang bugas sa tyempo sang harvest.
Kasunod sang pagpa-uswag sang P20/kilo nga bugas nga programa sang gobyerno sa mga Local Government Units sa Manila, ginpahayag ni Tiu Laurel nga ila ginalauman ang nagakaigo nga suplay sang bugas agud masustentuhan ang implementasyon sini.
Ang pagbaligya sang subsidized nga bugas ang ginalimitahan lamang sang 10ka kilo sa kada pamilya sa kada bulan kag 30kg naman sa kadala bulan para sa PWDs, senior citizens, kag mga single parent.
