Posible nga palawigon pa sang Department of Agriculture (DA) ang ginapatuman nga ban sa importasyon sang bombay ukon posible man nga panubuan ang import volume kasunod sang produktibo nga harvest season sang Marso tubtub Abril.
Sa una nga quarter sang 2024, naka-rekord ang onion industry sang 28.58 percent production increase nga katumbas sa PHP8.098 billion, mas mataas sa PHP6.298 billion output sa amo man nga period sang nagligad nga tuig.
Suno kay Agriculture Assistant Secretary Arnel de Mesa, magakonsulta sila sa Bureau of Plant Industry (BPI) agud mahibaluan ang aktwal nga suplay sa Mayo.
Lakip sa ginplastar sini amo ang pag-extend sang importation ban tubtub sa Hulyo apang depende pa sa performance.
Ang pagsaka sa produksyon ang posible man maangot suno sa iya sa 40 percent increase sa duta nga gintamnan sang bombay. Sa Central Luzon, ang onion production area ang nagadangat sa 10,388 hectares subong nga tuig.
Antes sini nga pahayag sang DA, nag-request na ang Philippine Chamber of Agriculture and Food Inc. (PCAFI) nga mag-import sang bombay sa Mayo bangud ginpalala pa sang El Ni o phenomenon ang epekto sang armyworm infestation. As of March, ini nga peste ang nag-apekto sa 18 hectares sang onion plantation sa pungsod.#
