Ginalauman nga magadagsa liwat ang linibo ka mga deboto sa Vatican sa inaugural mass nga pagahiwaton bwas nga adlaw, Mayo 18 sang bag-o nga magapungko nga Santo Papa nga si Pope Leo XIV.
Ini nga misa amo ang opisyal nga pagsaulog sang iya pormal nga pagpungko bilang bag-o nga lider sang Simbahang Katolika.
Magatambong man sa okasyon ang pila ka mga pangulo kag lider sang nagkalain-lain nga pungsod bilang pagpakita sang suporta kag respeto sa bag-o nga Santo Papa.
Kabahin man sang selebrasyon ang mga Pilipinong Katoliko halin sa nagkalain-lain nga bahin sang kalibutan, lakip na ang mga OFWs nga yara sa Europa.
Ginpahayag sang Vatican nga handa na ang tanan para sa seguridad kag organisasyon sang misa, nga pagahiwaton sa St. Peter’s Basilica.
Si Pope Leo XIV nga kilala sa iya liberal kag makatawo nga mga panan-aw, ginahalinan sang paglaum nga magapadayon sang reporma sa simbahan kag magatindog bilang boses sang kabakod kag paglaum sa tunga sang moderno nga panahon
