ILOILO CITY – May yara sang nakalinya nga aktibidad may kaangtanan sa ginasaulog nga 41st National Disability Prevention and Rehabilitation Week.
Ang nasambit nga aktibidad ang ginasaulog humalin sang Hulyo 17 tubtub 23, 2019 kag may tema nga ‘Lokal na Pamahalaan: Kabalikat sa Pagtupad ng Karapatan ng mga Taong May Kapansanan’.
Sa interview sang Bombo Radyo kay Jude Ryan Seares, executive director sang CHILD Initiative, iya ginpahayag nga ginaduso sang ila grupo ang inclusive society paagi sa pagtib-ong kag pagbulig sa mga kabataan nga may yara sang kasablagan sa lawas ukon Person’s With Disability.
May kaangtanan diri, ginpahayag ni Sijares nga may yara sang nanari-sari nga aktibidad nga ginpatigayon kag patigayunon.
Sang Hulyo 17, ginpatigayon ang kick-off activity kag ini ang magalawig tubtub pa sa Hulyo 31.
Ini ang pagpakita sang suporta sa mga kabataan kag mga may yara sang kasablagan.
Ginaduso man sang grupo ang patas nga kinamatarong para sa tanan.
