ILOILO CITY – Kampante si incoming Finance Secretary Benjamin Diokno kag subong incumbent Bangko Sentral ng Pilipinas Governor nga magnubo sa single digit ang poverty incidence sang pungsod antes pa man magtapos ang termino ni President-elect Ferdinand Bongbong Marcos Jr. sa tion nga padayon nga magasanyog ang ekonomiya sang pungsod tubtob sa 6 percent.
Suno kay Diokno, sa padayon nga pagsanyog sang pungsod, masolbar ang problema sa revenue nga amo ang magasolbar sang deficit problem kag makabulig agud nga malab-ot ang tinutuyo nga mangin upper-middle-income country sa mga masunod nga tuig.
Ang poverty rate sang pungsod ang nagnubo sa 16.7 percent sang 2018 humalin sa 23.5 percent sang 2015 apang nagsarurot pagid sang ngaliligad nga mga tinuig bangud sang COVID-19 pandemic.
Antes pa man ang pandemya, ang ekonomiya sang Pilipinas ang nagsanyog sa average nga 6 percent.
Sang 2020, ang ekomoniya ang nagsanyog sang 9.6 percent.
Nagpasalig ang mga economic managers nga mabawi sang pungsod ang kapigaduhon kaangay sang pre-pandemic level.
Magluwas sa pagsolbar sang kapigaduhon, ginpahayag ni Diokno nga maga-implementar sang mga programa nga makabulig sa pungsod agud nga malab-ot ang A ukon investment-grade rating.
