ILOILO – Ginpasalamatan ni incoming Iloilo Gov. Arthur ‘Toto’ Defensor Jr. ang mga alkalde sa 1st district sa probinsya sang Iloilo.
Ini matapos nga nagsumpa ang tanan nga mga alkalde sa 1st district kay outgoing Iloilo Gov. Arthur Defensor Sr. subong nga adlaw, Hunyo 28.
Sa inaugural speech ni Defensor, iya ginpasalamatan ang mag-asawa nga sanday Guimbal Mayor Oscar Garin kag San Joaquin Mayor Ninfa Garin nga nagsumpa sa iya amay bisan pa nga magkatuhay ang ila partido sang nakaligad nga eleksyon.
Magluwas sa mga alkalde sa 1st district, ginpasalamatan man ni Defensor ang iban pa nga mga alkalde sa nagkalain-lain nga distrito nga nag-upod sa pagsumpa kag nagsaksi sang oath-taking ceremony sa Iloilo Provincial Capitol.
Magluwas sa mga alkalde, ginpasalamatan man sang incoming Iloilo Governor ang mga katapo sang Sanguniang Panlalawigan, si Supreme Court Associate Justice Francis Jardeleza kag mga kilala nga negosyante sa diin isa na diri si Dr. Rogelio Florete Sr., chairman sang Florete Group of Companies.
