ILOILO CITY – Ginklaro sang incoming nga press secretary nga si Trixie Cruz-Angeles nga istoryahan sa gihapon ang mga pending corruption cases sa Marcos administration.
Ini ang kasunod man sang pahayag ni president-elect Ferdinand Marcos Jr. nga kalimtan nalang ang nagligad.
Sa press conference kahapon, ginpahayag sang incoming president nga gusto niya nga kalimtan nalang ang mga insidente sang kurapsiyon nga natabo antes pa man ang iya pagpungko.
Suno kay Angeles, magapadayon sa gihapon ang mga pending cases bangud pending cases pa ang mga ini.
Dugang pa niya, indi gusto ni Marcos Jr. nga mag-focus sa “sins of the past.”
Apang indi niya mahimo nga maghatag sang dugang pa nga pahayag nahanungod sa ginbuy-an nga statement sang incoming president.
Una na nga ginpahayag ni Marcos Jr. nga batuan niya ang “endemic” corruption sa gobyerno kag unahon ang Bureau of Customs (BOC) kag Bureau of Internal Revenue (BIR).
Ang Marcos family ang wala pa sa gihapon nakabayad sang utang nga P203-billion nga estate tax apisar nga gintinguhaan sang BIR nga sukton ini.
Wala man na-diskusyunan sa press briefing ang estate tax apang suno kay Marcos Jr., dapat nga pahapuson sang BIR ang tanan nga mga proseso kag ipa-intindi sa publiko ang nahanungod sa taxation.
