Ginpahayag ni incoming Department of Information and Communications Technology (DICT) Secretary Ivan Uy nga lauman sang tatlo ka telecommunications providers sa pungsod nga mangin mas madamo kag hugot pa ang kumpetisyon sa telco industry sa masunod nga mga tuig.
Posible ang senaryo nga ini matapos nga ginpasar sang gobyerno ang pila ka amendments kaangay sang Public Services Act, Foreign Investments Act, kag Retail Liberalization Law nga amo ang ginapanan-aw nga maka-attract sang dugang nga foreign investors sa Pilipinas.
Suno pa kay Uy, gamay para sa Pilipinas ang tatlo lang ka providers kun yara sa 100 ka milyon ang populasyon.
Mangin ang Singapore suno sa natungdan nga isa man ka gamay nga pungsod ang may yara sang lima ka telco companies.
Ginpahayag pa sini nga madamo pa ang asikasuhon sang pungsod pag-abot sa pag-improve sang internet connectivity sa Pilipinas, ilabi na sa malayo nga mga lugar.
Diri kag nagasulod suno kay Uy ang Starlink broadband satellite services ni Elon Musk — ang ginakabig nga “perfect technology” kag isa man ka “game-changing event.”
Matandaan nga sang Byernes, gin-aprubahan na sang National Telecommunications Commission (NTC) ang registration sang Starlink bilang value-added service (VAS) provider. ##
