Nagtaliwan na sa edad nga 89-anyos ang Barretto matriarch nga si Estrella “Inday” Barretto.
Siya ang iloy sang popular nga mga aktres nga sanday Claudine, Marjorie, kag Gretchen, kag lola naman ni Julia Barretto.
Sa showbiz circles, kilala siya bilang si Mommy Inday.
Una nga ginkumpirma sang iya anak nga si Joaquin ang iya kamatayon, kag ginsundan sang tribute video nga gin-post naman ni Claudine.
Ulihi nga nakit-an si Mommy Inday sa YouTube channel ni Ogie Diaz sang Oktubre 2025 sang ila gin-istoryahan ang relasyon ni Claudine sa iya ex-husband nga si Raymart Santiago. Ila man na-istoryahan ang away nanday Claudine, Marjorie, kag Gretchen nga ginasundan man sang publiko.
Matandaan nga Oktubre 2019 sang napatay man ang bana ni Mommy Inday nga si Miguel.
Magluwas sa tatlo ka aktres, may apat pa sila ka mga anak nga amo sanday Mito, Michelle, Joaquin, kag Gia.
