Indi ini ang tion sang pagbinsulay.
Ini ang reaksyon ni Leonil Salvilla, tagpamaba sang Department Of Education Schools Division of Iloilo may kaangtanan sa mga nagakatabo nga suicide incident kun sa diin ginatudlo nga rason amo ang problema sa pagsabat sa module.
Sa interview sang Bombo Radyo kay Salvilla, iya ginpahayag nga indi ini ang tion sang pagtinudlu-anay kun sin-o gid ang may sala.
Suno kay Salvilla, indi man mabasol ang biktima ukon ang modular learning kag sa baylo, ang natabo ang magserbe kuntani nga pamukaw nga dapat tutukan ang mental health sang mga estudyante kag sang mga manunudlo.
Ginpahayag ni Salvilla nga indi mahinago nga may yara sang adjustment sa pagpatigayon sang blended learning apang indi kun tani ini ang mangin rason sang pag-utas sang kabuhi.
Apisar sini, ginatahod sang natungdan ang pagpati sang pamilya apang ang biktima lang amo a ng makasabat sang matuod nga rason.
