ILOILO CITY – Indi magnubo sa 3 ka balay ang naupos sa sunog nga nagluntad sa Zamora St., Brgy. Concepcion, Iloilo City.
Wala pa natumod ang ginhalinan sang kalayo nga madasig nga naglapta bangud nga himu sa light materials ang mga balay.
Bangud sini, nagresponde ang tanan nga unit sang Bureau of Fire Protection.
Isa sa mga rason kun nga-a nabudlayan ang mga bombero sa pagresponde sa lugar amo ang mga nagalinukot nga wiring sang kuryente.
Naglawig sa masobra sa 30 minutos antes napalong ang kalayo.
