Indi magnubo sa 30 kilograms nga basura ang natipon sang pila ka mga pribado nga organisasyon sa Sunset Boulevard kaina sang aga kasunod sang ginpapatigayon nga cleanup drive.
Sa interview sang Bombo Radyo kay Alex Cathedrilla, organizer, iya ginpahayag kalabanan sa mga nakuha nga basura amo ang plastic bottles, plastic cup, mga papel, kag sulodlan sang mga pagkaon.
Suno kay Cathedrilla, may mga sulodlan man sang makahulobog nga ilimnon ang ila nakuha.
Plano man sang natungdan nga i-turnover sa City Environment and Natural Resources (CENRO)
Nagpanugyan man ini sa publiko nga mangin responsable sa paghaboy sang mga basura bangud indi lang man gamay ang nagapadulong kag nagagamit sang Sunset Boulevard.
