Patay ang indi magnubo sa 65 ka tawo kag halos 2,300 naman ang naaresto sa Iran sa nagligad nga 13 ka adlaw nga protesta batok sa ila gobyerno.
Ang nasambit nga protesta ang natabo sa 512 ka lugar kag sa 180 ka siyudad sang nasambit nga pungsod.
Kalabanan sa mga napatay amo ang 50 ka mga nagpoprotesta, 14 ka mga awtoridad ukon security forces kag 1 ang isa ka sibilyan nga konektado sa gobyerno.
Matandaan nga nagpatigayon sang nasambit nga rally ang pumuluyo sang Iran bangud sa kaakig sang mga tawo sa ila gobyerno bangud sa naganubo nga ekonomiya sang pungsod kag sa indi husto nga pagpamuno sang mga lideres sini.
