Nagguwa ang espekulasyon nga bulagay na sanday Yen Santos kag Paolo Contis matapos nga gin-delete sang aktres ang Instagram posts sini kaupod ang aktor lakip na ang iya anay birthday greeting.
Magluwas nga gin-delete sini ang posts, wala naman sang gina-follow si Santos sa amo nga platform.
Nakit-an naman nga ang nasambit nga aktres ang isahanon nga gina-follow ni Contis sa Instagram kag wala pa ini nakapang-panas sang iya posts.
Matandaan nga nagsugod ang rumors sa relasyon sang duha matapos ang separasyon ni Contis sa iya anay partner nga si LJ Reyes. Sang Enero 2023 naman sang ginkumpirma ni Contis nga may relasyon sila ni Santos apang ginpanginwala nga na-involve ini sa ila breakup ni LJ.#
