ILOILO CITY – Indi masarangan sang Iloilo City Government nga pakan-on ang tanan nga madulaan sang tarabaho kun madayon ang total lockdown sa bug-os nga syudad sang Iloilo.
Ini ang sabat ni Mayor Jerry Trenas sa mga nagakwestyon kun nga-a bukas sa gihapon ang commercial establishments apisar nga may yara sang pademya.
Sa interview sang Bombo Radyo kay Treñas, iya ginpahayag nga ginasunod lang sang Iloilo City Government ang pagsulundan nga ginapatuman sang National Inter-Agency Task Force.
Kun ipasirado ang tanan nga commercial establishments suno kay Treñas, madamo ang madulaan sang trabaho kag wala sang ikasarang ang Iloilo City Government sa paghatag sang food supply sa malawig nga tion.
Umpisa sang nagtuhaw ang COVID-19, ginpahayag sang alkalde nga madamo ang nagpalab-ot sang donasyon apang indi ini bastante.
Buwas nga adlaw, Agosto 26, ginpahayag sang alkalde nga maga-abot si Presidential Assistant for the Visayas Sec. Michael Dino kag iya pamangkuton ang opisyal kun ano pa ang dapat tadulungon sa ginapatuman nga COVID-19 response sa syudad sang Iloilo.
