Nagpanawagan ang Malacañang sa mga botante nga mag-ugyon sa isa ka tampad kag matinlo nga eleksyon sa Mayo 13.
Suno kay Presidential Spokesman Salvador Panelo, kinahanglan nga mauntat na ang na-andan sang pila ka mga kandidato nga nagapamakal sang boto.
Dugang pa ni Sec. Panelo, problema man ang mga botante nga nagabaligya sang boto bangud sa kaimulon kag kulang pa sa edukasyon.
Ini ang kabangdanan kun ngaa nangin bukas ang mga botante sa intimidasyon, mga pagpaandam, vote buying kag pagboto sa mga indi man nagakadapat nga botohon.
Kun may yara lamang sang bastante nga kaalam ang mga tawo, lain ang mangin standards nila sa pagboto.
