ILOILO – Indi tanan nga banwa sa probinsya sang Iloilo ang may yara sang HIV testing Facility.
Sa interview sang Bombo Radyo kay Rodolfo Chin Jr., ang STI- HIV survaillance officer sang Department of Health Region 6, iya ginpahayag nga ang pagtumod sang kaso sang HIV ang nakapende sa accessibility sang isa ka banwa sa malapit nga testing facility ukon center.
Suno kay Chin, kun wala sang testing center ang isa ka banwa, may yara sang ginatawag referral system nga ginahatag agud makapatigayon sang HIV testing.
Indi man mahapos suno kay Chin ang pagtukod sang pasilidad bangud nagakinahanglan man ini sang mga nagakaigo nga papeles ukon lisensya.
Nahibaluan nga santo sa record, ang banwa sang Oton ang may yara sang pinakamataas nga kaso sang HIV, ginasundan sang banwa sang Pavia, Pototan, Janiauay, Sta. Barbara, Tigbauan, Miagao kag Passi City.
