Indi tanan nga modified mufflers ang illegal – LTO Reg 6

Gin-athag sang Land Transportation Office nga indi tanan nga modified mufflers ang illegal.

Sa interview sang Bombo Radyo kay Atty. Gaudioso Geduspan, Assistant Regional Director sang Land of Transportation Region 6, iya ginpahayag ginapahanugutan ang pag-modify sang muffler, pananglitan, nagasunod sa ila standard.

Suno kay Geduspan, may ginpatigayon sila nga noise pollution testing kada tuig sa tanan nga salakyan sa bilog nga pungsod.

Ang mga registration centers nga may testing meters ang magatakos sang noise standard nga indi maglapaw sa maximum nga seventy decibels.

Sa Iloilo City, ang mga madakpan nga nagalapas sa Muffler Act of 2016, ang magamulta sang:

-P1,000 sa first offense kag i-confiscate ang Driver’s License.
-P3,000 sa second offense kag i-confiscate ang Driver’s License.
-P5,000 sa third offense kag kakason ang muffler, i-confiscate ang Driver’s License kag mahimo mapreso sang tatlo tubtub anom ka bulan.

Ang mga violators naman nga magapamalibad nga nga magpondo sa tion nga i-flag down ang multahan sang P1,000.