INDIA – Nagpasalig si Prime Minister Narendra Modi sa United Nations nga magabulig ang India sa vaccine production capacity agud nga ini ang mangin available sa bug-os nga kalibutan sa mas madasig nga pagtapna sang COVID-19 crisis.
Bilang isa ka largest vaccine producing country sa kalibutan, ginpahayag ni Modi nga sa subong, maga-umpisa na ang Phase 3 clinical trials kun sa diin ang large-scale trials ang ginakabig nga gold standard sa paghibalo sang safety kag efficacy sang bakuna.
Ginpahayag ni Modi nga antes pa man nakahatag sang go signal ang mga scientist sang Agosto, nakahanda na ang India sa mass production sang COVID-19 vaccines.
Ginaduso naman ni UN chief Antonio Guterres ang pag-angkon sang “people’s vaccine” nga mangin available kag affordable sa bug-os nga kalibutan.
Ang nasambit nga pahayag ni Guterres kadungan sang UN General Assembly ang ginpaboran ni Australian Prime Minister Scott Morrison kun sa diin suno sa iya, ang humanity dapat ang magpangibabaw subong nga may yara sang pandemya.
Nauna nga ginpahayag ni Pope Francis nga ang poor kag weakest members sang sosyodad amo ang dapat nga mangin prayoridad sang coronavirus vaccine.
