INDIA– Nagakinahanglan sang 38 million nga masks kag 6.2 million ka bilog nga personal protective equipement ang India may kaangtanan sa nagasaka nga numero sang Coronavirus Disease 2019 (COVID-19).
Nagdangat sa 873 ang na record nga kaso sang COVID-19 sa India sa diin 19 ang napatay kag padayun ang pagpangita sang gobyerno sang mga kompaniya nga mahimo makahatag sang supply nga ila kinahanglanon.
Nakapakig-angot naman ang Indian Government sa 730 ka mga kumpaniya para sa mga ventilators, Intensive Care Unit monitors, protective equipment, masks kag mga testing kits.
Nahibaluan nga nagpanawagan si Prime Minister Narendra Modi sa mga pumuluyo sang ila pungsod nga magpabilin sa sulod sang ila tagsa ka mga panimalay.
