Nagapangatlo na ang India sa mga pungsod sa kalibutan nga may pinakamadamo nga kaso sang Coronavirus Disease 2019 (COVID-19) sa diin may yara ini sang masobra isa ka milyon nga mga infected.
Nagapanguna sa gihapon ang Estados Unidos kag ginasundan sang Brazil.
Suno kay Giridhar Babu, epidemiologist sa isa ka nonprofit Public Health Foundation sa India, may yara sang 1.3 billion nga populasyon ang pungsod kag manubo lang ang isa ka milyon ka tawo nga infected apang lauman nga sa masunod nga mga binulan samtang padayon ang testing, mas magadamo ang kaso.
Target sang India nga mapanubo ang numero sang mga nagakalamatay bangud sa COVID-19.
Sa subong, ang ginaproblemahan sang India amo ang kakulang sa doctor kag mga hospital beds.
